د افغان پُست دولتي شرکت او تخنیکي او مسلکي زده کړو ادارې تر منځ د دوه اړخېزو همکاریو هوکړه لېک لاسلېک شو!
یاد هوکړه لېک د دواړو لوریو تر منځ د دوه اړخېزو او ګټورو اړیکو پیاوړتیا او پراختیا، په ګړندی او قانوني توګه فارغینو لپاره د تحصیلي اسنادو تر لاسه کولو او طی مراحل کولو برخه کې د آسانتیاوو ایجادولو، د تحصیلي اسنادو په تر لاسه کولو کې د زده کوونکو د لګښتونو او وخت ضایع کیدو مخنیوي، د تخنیکي او مسلکي زده کړو ادارې د خدمتونو معیارې او ساده کولو او د عامه خدمتونو او د دولتي عایداتو کچې لوړولو په موخه د افغان پُست دولتي شرکت لوی رئیس الحاج مولوی رحمت الله مکي او مولوی غلام حیدر شهامت د تخنیکي او مسلکي ادارې سرپرست تر منځ لاسلېک شو.
دواړو لوریو په خپلو ویناوو کې خوښي څرګنده کړه چې د دغه هوکړه تر لاسلیک کولو وروسته به د تخنیکي او مسلکي زده کړو فارغینو ته د پام وړ اسانتیاوي برابر شي.
