محترم احمد وحید ویس د ملي تدارکاتو ادارې له لوی رئیس سره وکتل!
د افغان پوسټ لوی رییس احمد وحید ویس د افغان پوسټ دولتي شرکت د بنسټیزو پروژو د تدارکاتي پړاؤنو د چټکتیا په موخه د ملي تدارکاتو ادارې له لوی رئیس ښاغلي کبیر عیسی خېل سره ناسته وکړه.
په دې ناسته کې ښاغلي عیسی خېل د افغان پوسټ د ملي پروژو د تدارکاتي چارو د چټکتیا ډاډ ورکړ او یادې پروژې یې له خدماتي پلوه د ولسونو لپاره ارزښتمنې وبللې.
ښاغلي ویس د ملي تدارکاتو ادارې له همکارۍ مننه وکړه او د چارو د غوره تنظیم په موخه یې د دوه اړخیزو ناستو پر دوام ټینګار وکړ.
