د افغان پوسټ شرکت مشرتابه، د دغه شرکت له ولایتي مسوولینو سره انلاین ناسته تر سره کړه!
د افغان پوست شرکت لوی رییس ښاغلي انجنیر حامد ناصري، د یوې انلاین ناستې په ترڅ کې د ولایتي پوسټ خونو د کلنیو لاسته راوړنو، ستونزو او شکایتونو په تړاو، د دغه شرکت له ځینو ولایتي مسوولینو سره انلاین ناسته تر سره کړه.
د ناستې په ترڅ کې د بېلابېلو ولایتونو عمومي مدیرانو د خپلو لاسته راوړنو سربېره، په بېلابېلو سیمو کې د پوسټ خونو له پاره د مستقلو ځایونو د نشتوالي، د پوسټ املاکو د غصب، د ځینو عواملو له امله په پوسټ خونو کې د خالي بستونو، انټرنیټ اسانتیاوو د نشتوالې او نورو ستونزو په تړاو خبرې وکړې.
د ناستې په پای کې ښاغلي ناصري، د افغان پوسټ شرکت د عوایدو پر لوړولو د ټینګار تر څنګ زیاته کړه، چې د یادو ستونزو د ارزونې په موخه، په نیږدې راتلونکې کې د دغه شرکت ګډ پلاوی ولایتي سفرونه پیلوي، چې د ټولو ناخوالو له نیږدې څارنې او ارزونې وروسته به، په دې تړاو هر اړخیزه پرېکړه وشي.
