۱۴۰۳ هـ ل کال، قوس میاشتې ۱۹ مه نېټه، کابل! د کابل ښار بېلا – بېلو پُست خونو اداري کارکوونکو ته یو ورځنی ورکشاپ ورکړل شو.
افغان پُست امارتي شرکت د کابل ښار بېلا – بېلو پُست خونو اداري کارکوونکو لپاره د ګمرکي اظهار نامې ګزارش ورکونې (CDS) سیستم په برخه کې یو ورځنی ورکشاپ پر لاره اچولی وو.
یاد ورکشاپ د افغان پُست بشري سرچېنو ریاست اړوند د ظرفیت لوړونې آمریت لخوا پر لاره اچول شوی وو، چې پکې د کابل ښار بېلا – بېلو پُست خونو کارکوونکو په ځانکړې ډول نویو ګمارل شویو کارمندانو ګډون درلود، د ګمرکي اظهار نامې له لارې پېریدونکو ته د ښه خدماتو وړاندې کولو او هغوي ته پر وخت د معلوماتو ورکولو او یو شمېر نور مهم مسایل پکې تر بحث لاندې ونیول شول.
