د پاکستان نړیوال هوايي شرکت د کارګو برخې له مسوول سره د ښاغلي احمد وحید ویس لیدنه!
د افغان پُست شرکت لوی رییس ښاغلي احمد وحید ویس او تخنیکي مرستیال ښاغلي عبدالهادي ذهین، د دوه اړخیزو همکاریو پراختیا په موخه د (PIA) یا پاکستان نړیوال هوایي شرکت له کارګو یا بار وړونکو الوتکو له مسوول محمد عامر اقبال او ورسره پلاوې سره وکتل.
په دغه کتنه کې ښاغلي ویس، اسیايي هیوادونو او په ځانګړې توګه پاکستان ته، د کارګو له لاري پُستي توکو لېږد را لېږد د افغان پُست شرکت ستره اړتیا یاده کړه او په دې برخه کې یې له (PIA) شرکت سره د دوه اړخیزو همکاریو هوکړې پر لاسلیکولو ټینګار وکړ.
په ناسته کې ښاغلي اقبال، له افغانستان سره د سوداګریزو اړیکو پراختیا په لړ کې، د یوې هوکړې پر اساس له افغان پُست شرکت سره د کارګو پُستي توکو لېږد را لېږد په برخه کې د هر اړخیز ملاتړ ژمنه وکړه.
