له هنرسالار (آرټ لارډز) شرکت سره د دوه اړخیزو همکاریو هوکړه لاسلیک شوه!
د افغان پُست شرکت لوی رییس ښاغلي احمد وحید ویس د دوه اړخیزو همکاریو پراختیا په موخه د ارټ لوډز هنري شرکت له استازې ښاغلي رازق مهرپور سره وکتل.
په دغه کتنه کې ښاغلي ویس په ملي او نړیواله کچه، د دغه شرکت له خوا په جوړو شویو نندارتونو کې د ګډون په موخه د هنري اثارو لېږد را لېږد په برخه کې د همکارۍ ژمنه وکړه.
په کتنه کې ښاغلي ویس همدا راز وویل، د افغان پُست شرکت له خوا له چاپ شويو پُستي ټکټونو ته به، چې په نړیواله کچه د هېواد د کتلور او دودونو استازیتوب کوي، د سوژو تر لاسه کولو په موخه د دغه شرکت د لاسرسی زمینه برابره کړي.
په ناسته کې د ارټ لوډ شرکت استازي، د افغان پُست شرکت له وروستیو پرمختګونو او لاسته راوړنو څخه د ستاینې او خوښۍ تر څنګ زیاته کړه، چې د افغان پُست شرکت د تازه رامنځته شويو (ځانګړو خدمتونو) په مټ یې په ډېره کمه موده کې خپل هنري اثار تر نړیوال بازاره رسیدلي.
د ناستې په پای کې د دواړو لوریو تر منځ د دوامداره اړیکو په موخه د دوه اړخیزو همکاریو هوکړه لاسلیک شوه.
