انجنیر حامد ناصري د افغان پوسټ شرکت د لوی رییس په توګه وټاکل شو!
ښاغلی ناصري، چې د ننګرهار پوهنتون د انجنیرۍ په څانګه کې د لسانس تر کچې زده کړې لري، رسمآ د ماليې وزارت مشرتابه هیئت له لوري، د افغان پوسټ شرکت د لوی رییس په توګه پر دنده وګمارل شو.
د افغان پوسټ شرکت کارکوونکو ته د معرفۍ په غونډه کې ښاغلي ناصري وویل: ولس کار ته اړتیا لري او باید له کوم قومي او سمتي تبعیض پرته په ټول توان کار ورته وشي.
ښاغلي ناصري زیاته کړه، د فساد پر وړاندې مبارزې په برخه کې، د افغانستان اسلامي امارت دریځ روښانه دی او په دې اداره کې، د فساد او قومي تبعیض موضوعات ورته په هیڅ صورت د منلو وړ نه دي.
د ناستې په پای کې، ښاغلي ناصري د ټولو څانګو له رییسانو او امرینو څخه وغوښتل، چې د چارو د چټکتیا په موخه دې ژر تر ژره، د خپلو اړوندو چارو کاري طرحې له دوی سره شریکي کړي.
