افغان پوسټ شرکت، (د اسنادو مدیریت سیسټم) پرانیست!
د افغان پوسټ شرکت تخینکي ټیم، د دغه شرکت د لوی رییس ښاغلي انجنیر حامد ناصري په هدایت، په اداري چارو کې د روڼتیا او چټکتیا په موخه (DMS) یا د اسنادو مدیریت سیسټم رامنځته کړ.
د دغه سیسټم له لارې به، د افغان پوسټ شرکت ټولي کتبي چاري، الکټرونیکي بڼې ته اوړي او نور به د رسمي مکتوبونو، استعلامونو، پیشنهادونو او نورو ورته فزیکي مکتوبونو طي مراحل په الکټرونیکي بڼه تر سره کیږي.
کارکوونکو ته د دې سیسټم د روزنیز ورکشاپ په لومړۍ ورځ، ښاغلي ناصري په ټول هېواد کې د پوسټ خونو کارکوونکو ته د دغه ورکشاپ د غځېدو او ژر تر ژره د دغه سیسټم پر پلي کېدو ټینګار وکړ.
