د افغان پوسټ شرکت او بهرنیو چارو وزارت د قونسلي چارو ریاست تر منځ د همکاریو هوکړه لاسلیک شوه!
دغه هوکړه چې پر اساس یې، د بهرنیو چارو وزارت له خوا د تصدیقېدونکو اسنادو، د انتقال او وېشلو مسوولیت افغان پوسټ شرکت په غاړه لري، د افغان پوسټ شرکت لوی رییس ښاغلي انجینر حامد ناصري او بهرنیو چارو وزارت د قونسلي چارو رییس ښاغلي محمد شفیق خطیب له خوا لاسلیک شوه.
د دغې هوکړې له مخې ټول هېوادوال کولای شي، د بهرنیو چارو وزارت له خوا د تصدیق په موخه خپل رسمي سندونه له کوم سرخوږي او بې ځایه لګښتونو پرته، په پوره روڼتیا، تر ټولو نېږدې پوسټ خونې ته وسپاري او له تصدیقېدو وروسته یې بېرته له هماغې پوسټ خونې تر لاسه کړي!
