د افغان پوسټ شرکت مشرتابه هییت ناسته تر سره کړه.!
دوشنبه د ۱۴۰۰/۱۱/۰۴ نېټه، د افغان پوسټ شرکت لوی رییس، ښاغلي مولوي رحمت الله مکي په مشرۍ د دغې ادارې بېلابېلو مسوولینو تر منځ د همغږۍ ناسته تر سره شوه.
په ناسته کې د دغه شرکت د پخوانیو نیمه کاره پروژو پر بشپړولو د ټینګار تر څنګ، د پستي خدمتونو پر بیا پیلېدو، د مرکز او ولایتي کارکوونکو پر اداري ستونزو، اداري تشکیلاتو، او د بشپړو شویو پروژو د پیسو ورکړې پر څرنګوالې خبرې وشوې.
د ناستې په پای کي ښاغلي مکي وویل، په هېواد کې د پوسټي خدمتونو پرمختګ ته ژمن دی او د افغان پوسټ خدماتي چارو د چټکتیا او په اداره کې د شته ستونزو هوارولو په موخه یې اړوندو مسوولینو ته لازمې لارښوونې وکړې.
