د افغان پُست او افغان مېرمنو د سوداګرۍ اوصنایعو خونې تر منځ د همکاریو هوکړه لاسلیک شوه.
نن پنجشنبه د افغان پُست شرکت لوی رییس احمد وحید ویس د افغان مېرمنو د سوداګرۍ اوصنایعو خونې له رییسې اغلې افسانه رحیمی سره د کتنې په ترڅ کې د دوه اړخیزو همکاریو هوکړه لاسلیک کړه.
د دغې هوکړې پر اساس به، افغان پُست شرکت، د دوه اړخیزو همکاریو پراختیا په موخه په ملي اونړیواله کچه له افغان سوداګرو سره د کوچنیو کڅوړو او سوداګریزو سمپلونو د لېږد را لېږد په برخو کې مرسته کوي.
په پای کې ښاغلي ویس تازه هوکړه، د دوه اړخیزو همکاریو پراختیا په برخه کې اغېزمن ګام وباله او زیاته یې کړه، چې د پُستي لېږد را لېږد په برخه کې د ملي سوداګرو هر اړخیز ملاتړ ته چمتو دی.
