د افغان پُست شرکت لوی رییس او مشرتابه هییت، د ګمرکونو د سیسټمونو له رییس سره وکتل!
د افغان پُست شرکت لوی رییس، ښاغلي احمد وحید ویس او د دغه شرکت تخنیکي او عملیاتي مرستیال ښاغلي عبدالهادي ذهین، د CDS سیسټم د معرفي او ورپېژندنې په موخه، د مالیې وزارت ګمرکاتو معینیت، د ګمرکي سیسټمونو له رییس، ښاغلي مجیب الرحمن او ورسره پلاوي سره وکتل.
په دغه کتنه کې ښاغلي ویس، په دولتي ادارو کې د نړیوالو معیارونو پلې کولو په تړاو، د ډیجیټلي سیسټمونو پر ارزښت او له امله یې د رامنځته کېدونکو اسانتیاوو او خوندیتوب په تړاو خبرې وکړې.
په ناسته کې ښاغلي ذهین، د (CDS) یا ګمرکي محصولاتو له سیسټم څخه د ګټې اخیستنې د تګلارې او ارزښتونو په تړاو معلومات وړاندې کړل.
ښاغلي مجیب الرحمن، د افغان پُست شرکت وروستی چټک پرمختګ بې مخېینې وباله او د پُست ګمرکي محصولاتو د تر لاسه کولو په برخه کې یې دغه سیسیټم اغېزناک و ارزاوه .
د کتنې په پای کې، د ګمرکي محصولاتو د سیسټم په تړاو له پریزنټېشن وړاندي کولو وروسته، دواړو لوریو په مرکزي پُست خونه کې د ګمرکي محصولاتو له سیسټم څخه لیدنه وکړه.
