د افغان پُست شرکت پُسته رسوونکو ته د نویو موټرسایکلونو وېش!
د افغان پُست شرکت لوی رییس ښاغلي احمد وحید ویس له خوا، د کابل ښار پُسته رسوونکو ته شل عرادې موټرسایکلونه، چې تازه د دغه شرکت له خوا پېرودل شوي ول وویشل شول.
د موټرسایکلونو د وېش په لړ کې ښاغلي ویس وویل: د افغان پُست شرکت له خوا د دې موټرسایکلونو برابرول او وېش د پُستي خدمتونو چټکتیا او کیفیت لوړونې ته د دغه شرکت د ژمنتیا پر اساس تر سره کیږي.
د ښاغلي ویس په وینا، افغان پُست د خپلو خدمتونو لا اغېزمنتبا په موخه تازه پلانونه لري، چې د موټرسایکلونو وېشلو لړۍ یې یوازې پیل دی او زیاته یې کړه، د دې موټرسایکلونو د وېشلو له امله به د افغان پُست خدمتونو پر وړاندې د شته خنډونو او ترافیکي ستونزو په برخه کې پام وړ کموالی راشي.
