د اکتوبر 9 مه، د پُست نړیواله ورځ
د افغان پُست دولتي شرکت د رهبرۍ پلاوي د پُست نړیواله ورځ د یو لړ شاندارو مراسمو په ترڅ کې و لمانځله.
دغه لمانځ غونډه په انترکانتـیننتال هوټل کې د ریاست الوزرا د دویم مرستیال ښاغلی مولوی عبدالسلام حنفی، د مخابراتو او معلوماتي تکنالوجۍ وزیر ښاغلی مولوی نجیب الله حقانی، د افغان پُست دولتي شرکت لوی رئیس ښاغلی مولوی رحمت الله مکی او یو شمېر نورو جګ پوړو حکومتي چارواکو په ګډون سره و لمانځل شوه.
غونډه د قرانکریم د مبارکو آیتونو په تلاوت سره پیل شوه، لومړي سر کې د غونډي ګډونوالو ته د ا.ا.ا د رئیس الوزرا استول شوی پیغام واورول شوو، تر هغه وروسته د افغان پُست دولتي شرکت لوی رئیس، د ریاست الوزرا دویم مرستیال، د مخابراتو او معلوماتي تکنالوجۍ وزیر، او یو شمېر نورو چارواکو د پُست د نړیوالي ورځي د اهمیت او پُستي خدمتونو د کیفیت په اړه ویناووي وکړي، چارواکو په خپلو ویناوو کې د افغان پُست شرکت د مشرتابه او کارکوونکو هلي ځلي وستایلي او په هېواد کې یې د پُستي خدمتونو په لا پیاوړتیا ټینګار وکړ.
