د هیواد له ملي سوداګر سره د ښاغلي احمد وحید ویس لیدنه!
د افغان پْست لوی رییس ښاغلي احمد وحید ویس، نن په خپل کارځای کې د هېواد له ملي سوداګر ښاغلي اکبر ارغندیوال سره وکتل.
په دغه کتنه کې دواړو لوریو، له هېواده بهر د سوداګریزو توکو د بېلګو لېږد پر وړاندې، د شته ستونزو او حل لارو په تړاو خبرې وکړې.
د افغان پْست لوی رییس ښاغلي احمد وحید ویس، په دې برخه کې سوداګرو ته د اسانتیاوو رامنځته کولو په موخه د افغان پْست د تازه تګلارو تر څنګ په ډاګه کړه، چې په نیږدې راتلونکې کې به سوداګر په کمه بیه او له زیاتو اسانتیاوو سره د نړۍ هرې څنډې ته د سوداګریو توکو بېلګې او مواد لیږي.
په ناسته کې ښاغلي ارغندیوال، بهرنیو هېوادونو ته د سوداګریزو توکو د اسانه لېږد په موخه د افغان پْست له تېرو هڅو او راتلونکو پلانونو څخه خوښي څرګنده کړه.
