له قزاقستاني پلاوي سره د ګډو پروژو او نوو همکاریو په اړه لیدنه ترسره شوه!
د قزاقستان هېواد پلاوي د افغان پُست امارتي شرکت د رهبرۍ له پلاوي سره وکتل.
په دغه لیدنه کې دواړو لوریو د دوه اړخیزو همکاریو د پراختیا په موخه د انتقالاتو او پُستي خدمتونو د ودې، د الکترونیکي سوداګرۍ (E-commerce) د پیاوړتیا او د ګډو پروژو د عملي کولو لپاره د راتلونکې همکارۍ په اړه هر اړخیز بحث وکړ.
دغه لیدنه د افغان پُست لپاره یو مهم فرصت بلل کېږي څو د سیمه ییزو او نړیوالو شریکانو سره په ګډه خپلو خدمتونو ته وده ورکړي او د هېوادوالو لپاره معیاري او نوې اسانتیاوې برابرې کړي.
