۱۴۰۳ هـ ل کال، جدي میاشتې ۱۷ مه نېټه، کابل کې د افغان پُست امارتي شرکت ادارې ناسته ترسره شوه:
یاده ناسته، د افغان پُست امارتي شرکت د لوی رییس ښاغلي الحاج مولوي رحمت الله مکي په مشرۍ، د شرکت مرستیالانو، څانګو رییسانو او آمرینو په ګډون تر سره شوه، ناسته د قران عظیم الشان د څو مبارکو آیتونو په تلاوت سره پېل او د تېرې ناستې د لارښوونو او پرېکړو په تعقیب د پُستي پتې د وېش، په مرکز او ولایتو کې د پُستي صندوقونو فعالولو او نصبولو په اړه، په مرکزي او ښاري پُست خونو کې د برېښنا ذخیره کولو لپاره د اړینو وسایلو چمتو کول او همدارنګه په ښاري او ولایتي پُست خونو کې د امنیتي کمرو نصب او فعال ساتلو ترڅنګ په یو لړ نورو مهمو ادارې، عملیاتي او سوداګریزو موضوعاتو هر اړخيز بحث ترسره شو.
د ناستې په پای کې ښاغلي مکي د ناستې ګډونوالو ته په چارو کې د بریالیتوبونو هيله څرګنده کړه او د چارو د ښه تنظیم په موخه یې اړینې لارښوونې او سپارښتنې وړاندې کړي.
