د افغان پُست شرکت او د معلوماتو او احصایې ملي ادارې تر منځ د همکاریو هوکړې لاسلیک!
خلکو ته د اسانتیاوو رامنځته کولو په موخه، نن سه شنبه د افغان پُست شرکت لوی رییس ښاغلي احمد وحید ویس، د معلوماتو او احصایې ملي ادارې لوی رییس ښاغلي احمد جاوېد رسولي او د ثبت احوال او نفوس مرستیال ښاغلي احمد طارق صدیقي په ګډون د دوه اړخیزو همکاریو هوکړه لاسلیک شوه.
د دغې هوکړې له مخې به افغان پُست شرکت، له مرکز څخه ولایتونو او بیرته مرکز ته د برېښنايي پېژندپاڼو او کاغذي پېژندپاڼو د اساس کتابونو لېږد را لېږد په برخې کې له دې ادارې سره همکاري کوي.
د هوکړې له لاسلیک وروسته ښاغلي ویس وویل، د عامه خدمتونو پراختیا او خلکو ته د اسانتیاوو رامنځته کول زمونږ له کاري لومړیتوبونو څخه دي.
