افغان پُست د ځانګړو خدمتونو څانګه پرانیسته.
د افغان پُست شرکت لوی رئیس، ښاغلي احمد وحید ویس او ورسره پلاوي، نن د کابل په مرکزي پُست خونه کې د (کور په کور) ځانګړو پُستي خدمتونو څانګه پرانیسته.
په دغو مراسمو کې د افغان پُست شرکت لوی رییس وویل، وروسته له دې هېوادوال کولای شي چې د تازه پُستي خدمتونو له لارې خپل پُستي امانتونه د کور په دروازه کې تر لاسه کړي.
ښاغلي ویس همدا راز زیاته کړه، د افغان پُست کور په کور پُستي خدمتونه به په نړیواله کچه د دغه شرکت شهرت، او په هیودوالو کې يې محبوبیت لا ډېر کړي.
د یادونې وړ ده، چې هېوادوال کولای شي د افغان پُست تازه خدمتونو له لارې د نړۍ هرې څنډې ته په شاوخوا پنځو ورځو کې خپلې پُستي کڅوړې ولیږي.
