تر دې وروسته به د پارسلونو، پوسټي مراسلاتو او وړو پوسټي کڅوړو ګمرکي ترخیص، د ساعتونو پر ځای له دوو څخه تر درېیو دقیقو پورې وخت نیسي.

haroon.abadi
پنجشنبه ۱۴۰۰/۳/۲۰ - ۱۳:۱۰
.

د افغان پُست شرکت لوی رییس ښاغلي احمد وحید ویس او د دغه شرکت تخنیکي او عملیاتي مرستیال عبدالهادي ذهین، د حکومت د رسنیو مرکز په یوه ناسته کې د (EAD Custom او CDS) په نومونو نوی پُستي اپلکیشن او سیټم چې د پُستي کڅوړو د ګمرکي مسایلو د چټکتیا په موخه د (UPU) یا پُست نړیوالې ټولنې له خوا جوړ شوي، پرانیستل.

ښاغلي ویس، رسنیو ته په خبرو کې وویل، تر دې وړاندې د پېرودونکو د پُستي کڅوړو ګمرکي پروسې ساعتونه وخت ضایع کاوه او د دغه سیسټم له رامنځته کېدو سره به دا پړاوونه ایله په دریو دقیقو کې تر سره کیږي.

د نوموړي په وینا، تر دې وړاندې به ټول پُستي توکي د پلټنې او قیمت ټاکلو په موخه د ګمرکي مسوولینو له خوا خلاصېدل، چې دې چارې له نورو ستونزو سربېره د ګډونوالو زیات وخت ضایع کاوه، خو په وینا یې له دې وروسته به د هرې پُستي کڅوړي ډول، بیه او نور اړوند مالومات د ګډونوال له خوا سیسټم ته ثبتیږي.

ښاغلي ویس په سیسټم کې د هر هېواد د ځانګړو پُستي اصولو او مقرراتو شتون، د دغه سیسټم بله ځانګړنه یاده کړه.

نوموړي زیاته کړه، له دې وروسته پېرودونکې کولای شي، د دغه سیسټم له لارې د پُستي ممنوعاتو په تړاو ټول مالومات تر لاسه کړي، څو پوه شي کومو هېوادونو ته څه شی استولای شي.

په ناسته کې ښاغلي ذهین وویل، افغان پُست شرکت د لا ښې همغږۍ په موخه د دغه اپلکېشن له لارې د پُست نړیوالې ټولنې له ۱۵۰ غړو هېوادونو سره نښلول شوی.

د نوموړي په وینا، EAD یو ساده پلټفورم دی، چې د پېرودونکو د وخت ضایع کېدو د مخنیوي په برخه کې پام وړ مرسته کولای شي.

تازه خبرونه

یکشنبه ۱۴۰۰/۳/۳۰ - ۱۵:۸
Background image

د افغان پُست شرکت لوی رییس او مشرتابه هییت، د ګمرکونو د سیسټمونو له رییس سره وکتل!

د افغان پُست شرکت لوی رییس، ښاغلي احمد وحید ویس او د دغه شرکت تخنیکي او عملیاتي مرستیال ښاغلي عبدالهادي ذهین، د CDS سیسټم د معرفي او ورپېژندنې په موخه، د مالیې وزارت ګمرکاتو معینیت، د. . .

شنبه ۱۴۰۰/۳/۲۹ - ۱۴:۱۲
Background image

احمد وحید ویس، د (E-Commerce) یا برېښنايي سوداګرۍ شرکتونو له استازو سره وکتل.

د افغان پُست شرکت لوی رییس، ښاغلي احمد وحید ویس، د دوه اړخیزو همکاریو پراختیا او افغان پُست شرکت له لارې نړیوال بازار ته د افغاني تولیداتو د لېږد په موخه، د (E-Commerce) یا برېښنايي. . .

چهارشنبه ۱۴۰۰/۳/۲۶ - ۱۵:۳۴
Background image

د افغان پُست شرکت او عزیزي بانک مشرتابه هییت انلاین ناسته تر سره کړه.

په دغه ناسته کې د افغان پُست شرکت لوی رییس احمد وحید ویس، د دغه شرکت عملیاتي او تخنیکي مرستیال عبدالهادي ذهین او اداري او تجارتي مرستیال محمد خیبر صدیقي، د عزیزي بانک شرکت له رییس ښاغلي. . .

بیرته تګ