د افغان بیسیم شرکت له تجارتي رییس سره د ښاغلي احمد وحید ویس لیدنه!

haroon.abadi
شنبه ۱۳۹۹/۱۲/۲ - ۱۰:۲۱
.

د افغان پُست شرکت لوی رییس ښاغلي احمد وحید ویس، د دوه اړخیزو همکاریو پراختیا په موخه، د افغان بیسیم شرکت له تجارتي رییس ښاغلی بالاجی شرینواس او ورسره پلاوې سره وکتل.

په دغه کتنه کې ښاغلي ویس، د افغان پُست شرکت اوږدمهاله پلانونو او وروستیو پرمختګونو ته د اشارې تر څنګ زیاته کړه، د افغان پُست شرکت د ګټو پر اساس له بیات ګروپ او په ځانګړې توګه افغان بیسیم شرکت سره د هر اړخیزې همکارۍ له پاره چمتو دی.

د ښاغلي ویس په وینا، د هېواد په کچه ټولو ولایتونو او ولسوالیو پُست خونو کې د افغان بیسیم څانګو ته د مناسب ځای ورکولو تر څنګ د کارګو او بیات ګروپ سوداګریزو توکو د لېږد رالېږد په برخو کې مرسته کولای شي.

ښاغلي ویس همدا راز زیاته کړه، پلان لري د افغان پُست خدمتونو پراختیا په موخه د لویو ښارونو په ګڼ مېشته سیمو کې خپل خدمتونه، سیاحتي مرکزونو او سوپر مارکیټونو ته هم پراخ کړي او له افغان بیسیم شرکت څخه یې هم د مناسب ځای ورکړې په برخه کې د همکارۍ غوښتنه وکړه.

په دغه ناسته کې د افغان بیسیم مخابراتی شرکت تجارتي رییس، د افغان پُست له هر اړخیزو پلانونو څخه د ستاینې تر څنګ زیاته کړه، چې بیات ګروپ او په ځانګړې ډول افغان بیسیم شرکت لېوالتیا لري د یوه تړون پر اساس د دوه اړخیزو همکاریو له پاره بستر پرانیزي.

د نوموړي په وینا بیات ګروپ او په ځانګړي ډول افغان بیسیم شرکت د هېواد په کچه ټکنالوژۍ پراختیا په برخه کې مخکښ بنسټ دی او کولای شي له افغان پُست شرکت سره، د هېواد په کچه پُست خونو ته د فایبر له لاې چټک انټرنیټ ته د لاسرسي، لري پرتو سیمو کې د پُستي خدمتونو ډيجټلي کېدو، موبایل مني او د افغان بیسیم مرکزونو کې د پُستي خدمتونو وړاندې کولو زمینې برابرې کړي.

دواړو لوریو په نیږدې راتلونکې کې، د اوږدمهاله همکاریو په موخه د دوه اړخیز تړون پر لاسلیکولو هوکړه وکړه.

تازه خبرونه

شنبه ۱۳۹۹/۱۲/۱۶ - ۱۴:۳۴
Background image

د عوایدو لوی ریاست د منځنیو مالیه ورکوونکو له رییس سره د ښاغلي احمد وحید ویس لیدنه!

د افغان پُست شرکت لوی رییس احمد وحید ویس، د دوه اړخیزو همکاریو پراختیا په موخه د مالیې وزارت د عوایدو لوی ریاست د منځنیو مالیه ورکوونکو له رییس حبیب الله امین اندړ سره وکتل.

په دغه. . .

پنجشنبه ۱۳۹۹/۱۲/۱۴ - ۱۰:۴۵
Background image

له مرکزي پُست خونې او د افغان پُست کارکوونکو له دفترونو څخه د ښاغلي احمد وحید ویس لیدنه!

د افغان پُست شرکت لوی رییس ښاغلي احمد وحید ویس، د اداري مرستیال خیبر صدیقي او ورسره پلاوې په مشرۍ د افغان پُست له مرکزي پُست خونې او دغه شرکت اداري دفترونو د بیا رغوونې له چارو څخه. . .

چهارشنبه ۱۳۹۹/۱۲/۱۳ - ۹:۱۰
Background image

په افغانستان کې د (Air Arabia) هوایی شرکت له استازی سره د ښاغلي احمد وحید ویس لیدنه!

د افغان پُست شرکت لوی رییس ښاغلي احمد وحید ویس، د دغه شرکت له خوا د کارګو خدمتونو پیل او ودې په موخه، په افغانستان کې د عربیه هوایي شرکت (Air Arabia) له استازي ښاغلي فرید احمد نظري سره. . .

بیرته تګ