د افغان پوسټ دولتي شرکت او د افغان بیسیم مخابراتي شبکې تر منځ ګډ هوکړه لیک لاسلیک شو!
د چارو د اسانتیا او د دوه اړخیزو همکاریو د پراختیا په موخه د افغان پوسټ او افغان بیسیم مخابراتي شرکت تر منځ ګډ تفاهم لیک چې له مخې به یې هېوادوال د هېواد په هرې برخه کې د افغان پوسټ له لارې د افغان بیسیم مخابراتي شبکې د سیمکارټونو پېر، ثبت، راجستر، او الکټرونیکي کرېډېټ کارټونو ته لاسرسی ومومي لاسلیک شو.
دغه هوکړه لیک د افغان پوسټ دولتي شرکت د لوی رییس ښاغلي رحمت الله مکي او د افغان بیسیم مخابراتي شرکت عمومي مسوول علي الله سروري تر منځ د رسنیو پر وړاندې لاسلیک شو .
په پای کې د افغان پوسټ او افغان بیسیم مخابراتي شرکت مسوولینو کابل کې د مرکزي پوسټ خونې څخه هم لیدنه وکړه.
