د افغان پُست دولتي شرکت اداري ناسته تر سره شوه:
دغه ناسته د افغان پُست دولتي شرکت د لوی رئیس ښاغلی الحاج مولوی رحمت الله مکی په مشرۍ او د شرکت د مرستیالانو، څانګو رئیسانو او آمرینو په ګډون تر سره شوه.
پدغه ناسته کې د تېري ادراي ناستي تر ارزیابی وروسته د شرکت په یو لړ مهمو مسائلو لکه د معلوماتي ټکنالوژی د تجهیزاتو د تحویلی څانګي جلاوالی، د انټرنیټ په خدماتو کې د محدودیت وضع کولو، د 1402 کال لپاره د تدارکاتي پلان جوړولو، د اړتیا وړ توکو توحیدی راپور جوړولو او بشري سرچینو ریاست ستونزو په اړه هر اړخېز بحث وشو او په اړه یې اړينې پریکړي وشوي.
د ناستې په پای کې ښاغلی مکی مسئولینو ته په چارو کې د بریالېتوبونو هېله څرګنده کړه او د چارو د ښه تنظیم په موخه يې اړېني سپارښتني او لارښووني وړاندې کړي.
