د عامه ساتنې ملي تصدۍ له لوی رییس سره د ښاغلي احمد وحید ویس لیدنه!
د افغان پُست شرکت لوی رییس ښاغلي احمد وحید ویس د ځانګړې کتنې په ترڅ کې، د عامه ساتنې ملي تصدۍ له لوی رییس ښاغلي خوشحال سعادت سره وکتل.
د دغې کتنې په ترڅ کې، چې د عامه ساتنې ملي تصدۍ په ریاست کې تر سره شوه، ښاغلي ویس د افغان پُست شرکت فعالیتونو وروستیو لاسته راوړنو او آینده پلانونو په اړه خبرې وکړې.
په کتنه کې ښاغلي سعادت، د افغان پُست شرکت له لاسته راوړنو او اغېزناکو پلانونو څخه د ستاینې تر څنګ د دغه شرکت له عامه خدمتونو څخه د هر اړخیز ملاتړ ژمنه وکړه.
په پای کې دواړه لوري، د دوه اړخیزو همکاریو پراختیا په موخه په نیږدې راتلونکې کې د یوه هوکړه لیک پر لاسلیک موافقه وکړه.
