د عزیزي بانک له اجرایوي مرستیال سره د افغان پُست شرکت لوی رییس احمد وحید ویس لیدنه.
د افغان پُست شرکت لوی رییس ښاغلي احمد وحید ویس، نن په خپل کاري دفتر کې د عزیزي بانک له اجرایوي مرستیال، سلیم حبیبي او ورسره پلاوي سره وکتل.
په دغه کتنه کې ښاغلي ویس، د دوه اړخیزو همکاریو پر پراختیا د ټینګار تر څنګ زیاته کړه، چې د چارو چټکتیا په موخه باید ژر تر ژره له عزیزي بانک سره د پُست بانکي خدمتونو هوکړه لاسلیک شي.
سلیم حبیبي، د هر اړخیزو همکاریو ژمنې تر څنګ، په نیږدې راتلونکې کې له افغان پُست شرکت سره د بانکي خدمتونو تازه هوکړې لاسلیکولو ډاډ ورکړ او زیاته یې کړه، چې عزیزي بانک چمتو دی افغان پُست شرکت ته د خپلو آنلاین خدمتونو آسانتیاوې برابرې کړي.
