د عوایدو لوی ریاست د منځنیو مالیه ورکوونکو له رییس سره د ښاغلي احمد وحید ویس لیدنه!
د افغان پُست شرکت لوی رییس احمد وحید ویس، د دوه اړخیزو همکاریو پراختیا په موخه د مالیې وزارت د عوایدو لوی ریاست د منځنیو مالیه ورکوونکو له رییس حبیب الله امین اندړ سره وکتل.
په دغه کتنه کې ښاغلي ویس د افغان پُست شرکت له وروستیو پرمختګونو څخه د یادونې تر څنګ، د تازه پلانونو له مخې د عامه خدمتونو پراختیا په موخه د افغان پُست پر تازه طرحو خبرې وکړې.
په ناسته کې ښاغلي اندړ د افغان پُست شرکت له چټک پرمختګ او ودې څخه د ستاینې تر څنګ، د پُست خونو له لارې د لومړنیو او منځنیو مالیه ورکوونکو د حسابونو تصفیې اسنادو د وېش په برخه کې د همکارۍ غوښتنه وکړه.
په پای کې دواړو لوریو په نیږدې راتلونکې کې په دې تړاو د دوه اړخیزو همکاریو پر هوکړه لیک توافق وکړ.
