د موبي ګروپ له بنسټګر او عمومي رئیس سره د ښاغلي احمد وحید ویس لیدنه.
د افغان پُست شرکت لوی رئیس ښاغلي احمد وحید ویس، نن په خپل کارځای کې د موبي ګروپ له بنسټګر او عمومي رئیس ښاغلي سعد محسني سره وکتل.
په دغه لیدنه کې ښاغلي ویس، د افغان پُست شرکت د برېښنايي خدمتونو پراختیا، برېښنايي پاسپورټونو او پېژندپاڼو وېش، بهرنیو چارو وزارت ته د اسنادو تاییدۍ پروسې او د دغه شرکت د تازه پلانونو په تړاو د معلوماتو تر څنګ زیاته کړه، افغان پُست د خپلو تازه پلانونو او تشکیلاتي پراختیاوو پر مټ هېوادوالو ته د لا غوره خدمتونو وړاندې کولو په لټه کې دی.
په ناسته کې ښاغلي محسني، د افغان پُست له اغېزناکو کورنیو او نړیوالو خدمتونو څخه د ستاینې تر څنګ زیاته کړه، دغه شرکت د غوره پُستي خدمتونو پر مټ د خلکو تر مېنځ لوړ ځای خپل کړی.
