د موبی ګروپ د اړیکو له مسوولې سره د ښاغلي احمد وحید ویس لیدنه!
د افغان پُست شرکت لوی رییس، ښاغلي احمد وحید ویس، نن په خپل کارځای کې د موبې ګروپ د اړیکو له مسوولې، اغلې مقدسه یورش سره وکتل.
په دغه کتنه کې ښاغلي ویس د افغان پُست شرکت لاسته راوړنو تر څنګ زیاته کړه، چې خلکو ته د پُستي خدمتونو چټکتیا او اسانتیاوو رامنځته کولو په برخه کې دغه شرکت خپلو موخو ته ژمن دی.
اغلې یورش هم د افغان پُست شرکت له لاسته راوړنو او پلانونو څخه د ستاینې تر څنګ، دا د پستي خدمتونو پرمختګ په برخه کې ارزښتمند ګام وباله.
