د هرات ولایت مرکزي پُست خونې او د افغان پُست له خدماتو څخه د افغان پُست امارتي شرکت رهبري او مل پلاوي لیدنه وکړه.
د هرات ولایت والی شیخ الحدیث نور احمد اسلام جار، د افغان پُست امارتي شرکت عمومي رئیس الحاج مولوي رحمت الله مکي، د افغان پُست د سوداګرۍ د پراختیا رئیس انجنیر ذبیح الله عمر، د هرات ولایت مخابراتو او معلوماتي ټکنالوجۍ رئیس مولوي حافظ خیرخواه، او ورسره مل پلاوي د هرات ولایت له مرکزي پُست خونې څخه لیدنه وکړه.
د افغان پُست عمومي رئیس، د هرات ولایت مرکزي پُست خونې ته د هرات ولایت د محترم والي، او ورسره مل پلاوي د راتګ دروند هر کلی وکړو او د یادې پُست خونې له لارې یې، د هرات ولایت اوسېدونکو ته د با کیفیته خدمتونو وړاندې کولو ډاډ ورکړ.
یاد پلاوي، د پُست خونې د پاسپورټونو د وېش څانګې څخه هم لیدنه وکړه، چې پدې برخه کې د پاسپورټونو د منظم وېش په موخه د اړتیا وړ آسانتیاوې په پام کې نیول شوي او د یوې ورځې په جریان کې به له دغې څانګې څخه د هرات ولایت اوسېدونکو ته شاوخوا پنځه زره جُلده پاسپورټونه وېشل کېږي.
