د کب (حوت) میاشتي 7 مه نېټه، کابل کې د افغان پُست دولتي شرکت ادارې ناسته ترسره شوه:
یاده ناسته، د افغان پُست دولتي شرکت د لوی رئیس ښاغلي الحاج مولوی رحمت الله مکی په مشرۍ او د شرکت د مرستیالانو، څانګو رئیسانو او آمرینو په ګډون تر سره شوه.
په یاده ناسته کې د شرکت په یو لړ مهمو فعالیتونو لکه د افغان ټیلېکام مخابراتي شرکت سره د 23 ولایتي پُست خونو لپاره د E1 تړون لاسلیک کولو، د مالي او حسابي ریاست د چمتو شوې پالیسۍ کتنه او ارزونه، د پیل شویو پروژو د حسابونو د تصفیې په موخه د مربوطه ریاستونو له لوري د تهیه او تدارکاتو ریاست سره د اړوندو اسنادو شریکولو، په شفاف ډول د پولي او بانکدارۍ چارو پر مخ وړلو په موخه د یوه منظم سیستم را منځته کولو، د پولی او بانکداری ریاست د قراردادي کارمندانو د قرارداد مودې غځولو، د پاسپورت عمومی ریاست او نورو وزارتونو / ادارو سره د شویو تفاهم نامو د تطبیق په موخه د پُست خونو پراخول او معیاري کولو، د نویو پُست بکسونو و پیرلو او چمتو کولو په هکله تصمیم نیولو، او په ټرانزیټی وسایطو کی د جی پی اس آلی نصبولو پر موضوعاتو هر اړخیز بحث تر سره شو او په اړه یې اړېن تصامیم و نېول شول.
د ناستې په پای کې ښاغلی مکي د ناستې ګډونوالو ته په چارو کې د بریالیتوبونو هيله څرګنده کړه او د چارو د ښه تنظیم په موخه ئې اړېني لارښووني او سپارښتني وړاندې کړي.
