د 1403 هـ ل کال، میزان میاشتي 2 مه نېټه، کابل د افغان پُست امارتي شرکت ادارې ناسته:
یاده ناسته، د افغان پُست امارتي شرکت د لوی رئیس ښاغلي الحاج مولوي رحمت الله مکي په مشرۍ، د شرکت مرستیالانو او څانګو رئیسانو په ګډون تر سره شوه.
په یاده ناسته کې د شرکت په یو لړ مهمو مسايلو لکه په ولایاتو کې د پُستي خدمتونو د لا ښه والي او د مراجعینو غوښتنو او ستونزو ته د رسیدو په موخه له ولایتي مسئولینو سره میاشتینۍ ناستې پېلولو، د افغان پُست کال سنټر ( اړېکو نیولو مرکز) د ژر تر ژره په فعالیت پیلولو، د مالي سیستم لپاره د ای ټي (IT) وسایلو د شتون په اړه تصمیم نیولو او د معارف شهر سره د شوي تفاهمنامي د لا ښه تطبیق په موخه د ای ټي (IT) وسایلو چمتو کولو پر موضوعاتو هر اړخیز بحث ترسره شو.
د ناستې په پای کې ښاغلي مکي د ناستې ګډونوالو ته په چارو کې د بریالیتوبونو هيله څرګنده کړه او د چارو د ښه تنظیم په موخه یې اړېني لارښووني او سپارښتني وړاندې کړي.
