په شمالي ولایتونو کې د افغان پُست له خدماتو څخه د افغان پُست امارتي شرکت عملیاتي او تجارتي مرستیال او ورسره مل پلاوي لیدنه وکړه.
د افغان پُست امارتي شرکت عملیاتي او تجارتي مرستیال ښاغلي انجنیر حامد ناصري او ورسره مل پلاوي د هېواد شمال ولایتونو ته د رسمي سفر په ترڅ کې د تخار، بدخشان، کندز، جوزجان ولایتونو له پُست خونو څخه لیدنه وکړه، ښاغلي ناصري او ورسره مل پلاوي د یادو پُست خونو د مسؤلینو د ورځنیو کړنو څیړنه وکړه او د پُست خونو شته ستونزو د هوارولو په موخه یې مسؤلینو ته اړینې سپارښتنې وکړي، په دغه سفر کې د یادو ولایتونو د پاسپورت آمریتونو او مخابراتو ریاستونو سره د اړوندو چارو په موخه د همغږۍ ناستې تر سره کړي او همدا راز یې په یادو ولایتونو کې د افغان پُست له املاکو څخه لیدنې وکړي.
