د افغان یونایټیډ بانک له اجرایي رئیس سره د ښاغلي احمد وحید ویس لیدنه.
د افغان پُست شرکت لوی رئیس ښاغلی احمد وحید ویس، نن د دوه اړخیزو همکاریو ټینګښت او بانکي خدمتونو د پراختیا په موخه، د افغان یونایټیډ بانک له اجرايي رئیس، ښاغلي احمد خسرو ضیا سره وکتل.
ښاغلي ویس په دغه کتنه کې، له افغان یونایټیډ بانک سره د یوې هوکړې پر اساس د بانکي خدمتونو پراختیا او برېښنايي سوداګرۍ په برخو کې د هر اړخیزې همکارۍ له پاره چمتووالی وښود.
په ناسته کې ښاغلي ضیا، د بانکي خدمتونو پراختیا په برخه کې د افغان پُست شرکت له تازه پلان څخه د ملاتړ تر څنګ زیاته کړه، چې افغان یونایټیډ بانک چمتو دی څو افغان پُست سره د بانکي خدمتونو په تخنیکي برخو کې په مشورتي ډول مرسته وکړي.
