۱۴۰۳ هـ ل کال، قوس میاشتې ۱۲ مه نېټه، کابل د افغان پُست امارتي شرکت ادارې ناسته ترسره شوه:
یاده ناسته، د افغان پُست امارتي شرکت د لوی رییس ښاغلي الحاج مولوي رحمت الله مکي په مشرۍ، د شرکت مرستیالانو، څانګو رییسانو او آمرینو په ګډون تر سره شوه، ناسته د قران عظیم الشان د څو مبارکو آیتونو په تلاوت سره پیل او د تېرې ناستې د لارښوونو او پرېکړو په تعقیب د هېواد په کچه د بېلا – بېلو پُست خونو له آمرینو سره د میاشتنۍ ناستو پر مهال د تېرو شویو اجرااتو اخېستل، د هغوي ستونزو او مشکلاتو ته رسېدنه، ټولو ولایتونو ته د پُستي توکو پر چټک انتقالاتو او تبادلي، په ولسوالیو کې هېوادوالو ته د لا ښه خدماتو وړاندې کولو لپاره د نویو کارمندانو ګمارلو او یو لړ نورو مهمو اداري، عملیاتي او سوداګریزو موضوعاتو هر اړخيز بحث ترسره شو.
د ناستې په پای کې ښاغلي مکي د ناستې ګډونوالو ته په چارو کې د بریالیتوبونو هيله څرګنده کړه او د چارو د ښه تنظیم په موخه یې اړینې لارښوونې او سپارښتنې وړاندې کړي.
