افغان پوسټ شرکت، (د افغانستان ډیجیټلي کېدو) په نامه انلاین ناستې ته د (CDS) په تړاو مالومات وړاندې کړل!
د افغان پوسټ شرکت لوی ريیس ښاغلي احمد وحید ویس، د پانګونې اسانتیا بنسټ رییس ښاغلي عطا نصیب، د مخابراتو وزیرې اغلې معصومه خاوري او ملي ټلویزیون رییس اسماعیل میاخېل په ګډون د (افغانستان ډیجیټلي کېدو) په نوم انلاین پروګرام ته، د ګمرکي اظهارنامې سیسټم په تړاو چمتو شوي مالومات وړاندې کړ.
په دغه انلاین ناسته کې ښاغلي ویس، د (CDS) یا ګمرکي اظهارنامې په چارو کې د چټکتیا په موخه، د پوسټ نړیوالې ټولنې له خوا د جوړ شوي سیسټم او (EAD) یا ګمرکي ترخیص په برخه کې، د جوړ شوي اپلکېشن پر ارزښتونو، اسانتیاوو او د دغه سیسټم پر تخنیکي اړخونو بحث وکړ.
ښاغلي ویس، د پوسټي خدمتونو په ګمرکي چارو کې د چټکتیا په موخه، له دغه سیسټم څخه د چارو ادارې د هر اړخیز ملاتړ یادونه وکړه او زیاته یې کړه، چې ژر تر ژره باید دغه سیسټم د ګمرکاتو له اسیکوډا سیسټم سره ونښلول شي.
