د هېواد له جلالتمآب ولسمشر سره د ښاغلي احمد وحید ویس لیدنه!
د افغان پُست شرکت لوی رئیس احمد وحید ویس، په ارګ کې د افغانستان اسلامي جمهوریت له ولسمشر، جلالتمآب محمد اشرف غني سره وکتل.
په دغه کتنه کې ښاغلي ویس، د افغان پُست شرکت د تېرو لاسته راوړنو او اوسني فعالیتونو په تړاو د راپور تر څنګ، د لا اغېزناکو پُستي خدمتونو وړاندې کولو په موخه، د دغه شرکت د راتلونکو پلانونو او برنامو په اړه معلومات وړانډې کړل.
په کتنه کې جلالتمآب محمد اشرف غني، د افغان پُست شرکت له اغېزناکو فعالیتونو او لاسته راوړنو څخه د خوښۍ تر څنګ، افغان پُست شرکت د هېواد په کچه د مخکښ او خورا مهم ملي شرکتونو له ډلې څخه یاد کړ.
د کتنې په پای کې جلالتمآب ولسمشر، په هر اړخیز ډول د افغان پُست شرکت څخه د کلک ملاتړ ژمنه وکړه.
