د افغان پُست دولتي شرکت اداري ناسته تر سره شوه!
دغه ناسته نن د دوشنبه په ورځ د روان کال چنګاښ ( سرطان) میاشتې په 12 مه نېټه د افغان پُست دولتي شرکت د لوی رئیس ښاغلي الحاج مولوی رحمت الله مکی په مشرۍ او د شرکت د عملیاتي او تجارتي مرستیال او اړوندو څانګو رئیسانو او آمرینو په ګډون تر سره شوه.
په دغه ناسته کې د پُستي خدماتو ګړندې کولو او اسانه کولو په موخه د کابل د ولسوالیو او یا هم د ولایاتو د پُستی کوډونو په طرحی، د ولایاتو د منقولو اموالو قیمت ګذاری، د افغان پُست اړوند اساسنامی د پاتی چارو د بشپړیدو او د کارګو په عوایدو کې د لوړوالی راوستلو په موخه په قراردادی مسیر کې بدلون راوستلو په موضوعاتو هر اړخېز بحث تر سره شو او په اړه یې اړین تصامیم اتخاذ شول.
