د افغان پُست دولتي شرکت او پوهنې محترم وزارت د نتایجو او شهادت نامو ریاست تر منځ د دوه اړخیزو همکاریو هوکړه لیک لاسلیک شو!
دغه هوکړه لیک نن د سه شنبه په ورځ د روان کال غبرګولی (جوزا) میاشتې په 23 مه نېټه د افغان پُست دولتي شرکت د غونډو په تالار کې د مخابراتو او معلوماتي ټکنالوجۍ محترم وزیر ښاغلی الحاج مولوی نجیب الله حقانی، د آزموینو د ملی اداري رئیس ښاغلي شیخ القران مولوی عبدالباقی حقانی، د پوهنې وزارت مالی او اداري مرستیال ښاغلی مولوی صبغت الله وصیل او یو شمیر نورو دولتي ادارو رئیس صاحبانو، آمرینو او مسؤلینو په ګډون سره د افغان پُست دولتي شرکت د لوی رئیس ښاغلي الحاج رحمت الله مکی او پوهنې محترم وزارت د تضمین کیفیت مرستیال ښاغلي الحاج مولوی عبدالخالق صادق تر منځ د یو لړ شانداره مراسمو په ترڅ کې لاسلیک شو.
د یاد هوکړه لېک په اساس به د نتایجو او شهادت نامو ریاست له پُست خوني څخه د شهادت نامو اړوند اسناد تر اخذ او منظمي بسته بندی وروسته د افغان پُست د کابل ښاري، ولسوالیو او ولایتی خونو ته انتقال او متقاضیانو ته وویشل شي او همدارنګه به د کابل ښاري، ولسوالیو او ولایتي پُست خونو له لاري د شهادت نامو اړوند اسناد اخذ او طی مراحلو لپاره به د پایلو او شهادت نامو ریاست ته انتقال شي.
د غونډې په پای کې مسؤلینو د افغان پُست دولتي شرکت د پُستي موزیم او مرکزي پُست خوني څخه لیدنه وکړه.
