د افغان پُست دولتي شرکت اداري ناسته د دغه شرکت د لوی رئیس ښاغلی الحاج مولوی رحمت الله مکی په مشرۍ تر سره شوه چې د ریاست مرستیالانو، رئیسانو او یو شمېر آمرینو په کې ګډون کړی وو.
په دغه ناسته کې د شرکت په یو لړ مهمو ادارې، تخنیکي، عملیاتي، او تجارتي مسايلو هر اړخېز بحث خبرې اتري تر سره شوي او په اړه یې اړېن تصامیم و نیول شول.
د ناستې په پای کې ښاغلی مکی مسئولینو ته په چارو کې د بریالېتوبونو هېله څرګنده کړه او د چارو د ښه تنظیم په موخه يې اړېني سپارښتني او لارښووني وړاندې کړي.
