احمد وحید ویس د دوه اړخیزو همکاریو پراختیا په موخه، د صنعت او سوداګرۍ وزارت له معین سلیمان بن شاه سره وکتل!
د افغان پوسټ شرکت لوی رییس ښاغلي احمد وحید ویس، د دغه شرکت تخنیکي او عملیاتي مرستیال ښاغلي عبدالهادي ذهین، اداري او تجارتي مرستیال ښاغلي محمد خیبر صدیقي، د افغان پوسټ شرکت د عامه خدمتونو انلاین پورټال او ګارګو خدمتونو په تړاو د دوه اړخیزو همکاریو پراختیا په موخه، د صنعت او سوداګرۍ وزارت له معین ښاغلي محمدسلیمان بن شاه او ورسره پلاوي سره وکتل.
په دغه کتنه کې ښاغلي ویس، د افغان پوسټ شرکت له وروستیو پرمختګونو او تر لاس لاندې چارو سربېره، په آنلاین بڼه د عامه خدمتونو وړاندې کولو پر ارزښت او څرنګوالې خبري وکړې.
په ناسته کې ښاغلي ذهین، د عامه خدمتونو انلاین سیسټم له لارې، د هېواد په کچه شاوخوا ۱۵۰ عامه خدمتونو انلاین وړاندې کولو پر اړتیا سربېره، د ډیجیټلي اقتصاد د ودې په موخه د دغه سیسټم پر ونډه او تخنیکي اړخونو بحث وکړ.
ښاغلي شا، له آنلاین لارې د غوره او رڼو چوپړونو وړاندې کولو په برخه کې، د افغان پوسټ شرکت هڅې او لاسته راوړنې بې مخېینې وبللې او د دغه وزارت اړوندو عامه خدمتونو په برخه کې یې د افغان پوسټ شرکت د هر اړخیز ملاتړ ژمنه وکړه.
