د چارو اداري له لوی رییس ښاغلي فضل محمود فضلي سره د ښاغلي احمد وحید ویس لیدنه!
د افغان پُست شرکت لوی رییس ښاغلي احمد وحید ویس، د هېواد د بهرنیو چارو وزارت ډیپلوماټ ښاغلي هارون حکیمي په ګډون، د افغانستان اسلامي جمهوریت د چارو ادارې له لوی رییس ښاغلي فضل محمود فضلي سره وکتل.
په دغه کتنه کې ښاغلي ویس، شرکت ته د افغان پُست د حقوقي حیثیت لوړېدو په تړاو د ولسمشرۍ ماڼۍ له ۲۸۲۸ حکم سربېره، په هېواد کې د پُستي خدمتونو ودې او پرمختګ په تړاو د افغان پُست شرکت پلانونه او تګلارې شریکې کړې..
په کتنه کې ښاغلي فضلي، د افغان پُست شرکت ښې راتلونکې ته د هیله مندۍ تر څنګ، د افغان پُست له تېرو لاسته راوړنو او پرمختګونو څخه ستاینه وکړه.
نوموړي د افغان پُست شرکت وده او خپلواکي د هېواد په اقتصادي وده کې اغېزمن وباله او د پُستي خدمتونو پرمختګ او ودې په پار یې، د افغان پُست شرکت له راتلونکو اغېزناکو پلانونو څخه خپل هر اړخیز ملاتړ اعلان کړ.