د چارو ادارې له لوی رییس سره د ښاغلي احمد وحید ویس لیدنه
د افغان پُست شرکت لوی رییس ښاغلي احمد وحید ویس د یوې ناستې په ترڅ کې د چارو ادارې لوی رییس ښاغلي فضل محمود فضلي سره وکتل.
په دغه کتنه کې ښاغلي ویس، د افغان پُست شرکت له وروستیو لاسته راوړنو څخه د یادونې تر څنګ، د ولسمشرۍ ماڼۍ د (سلو ملي پروګرامونو) په لیست کې، چې تر راتلونکو شپږو میاشتو پوري پرانیستل کیږي، د عامه خدمتونو په برخه کې د افغان پُست شرکت، د دوو یا دریو پروګرامونو د ګډون وړاندیز وکړ.
په ناسته کې ښاغلي فضلي، د افغان پُست شرکت وروستي پرمختګونه بې مخېینې وبلل او د ولسمشرۍ ماڼۍ د (سلو ملي پروګرامونو) په لیست کې یې، د دغه شرکت د اغېزناکو پروګرامونو د ځایولو په تړاو ډاډ ورکړ.
