احمد وحید ویس، د (E-Commerce) یا برېښنايي سوداګرۍ شرکتونو له استازو سره وکتل.

د افغان پُست شرکت لوی رییس، ښاغلي احمد وحید ویس، د دوه اړخیزو همکاریو پراختیا او افغان پُست شرکت له لارې نړیوال بازار ته د افغاني تولیداتو د لېږد په موخه، د (E-Commerce) یا برېښنايي سوداګرۍ شرکتونو له یو شمېر استازو سره وکتل.

په دغه ناسته کې ښاغلي ویس وویل، افغان پُست شرکت د ټولو هېوادوالو او په ځانګړي ډول سوداګرو او خصوصي شرکتونو ګډ کور دی او پر همدې اساس کولای شو له نړیوال بازار سره د سیمي نښلولو په برخه کې خپلو مهمو موخو ته ورسیږو.

په کتنه کې د دوی استازي وویل، مونږ کولای شو د افغان پُست په مرسته په نړیوال بازار کې افغانستان ونډه خپله کړو، چې له دې لارې به یوازې په یوه میاشت کې (یونیم میلیون) عواید د هېواد ملي خزانې ته راټول شي.

دواړو لوریو په نیږدې راتلونکې کې د دوه اړخیزو همکاریو پراختیا په موخه د هوکړې پر لاسلیکولو ټینګار وکړ.